श्लोकोऽयं मह्यं रोचते – 3

प्राप्तव्यम् अर्थं लभते मनुष्यः देवोऽपि तं लङ्घयितुं न समर्थः ।
तस्मात् न शोचनीयो न विस्मयो मे यदस्मदीयं न हि तत् परेषाम् ।।

prāptavyam arthaṁ labhate manuṣyaḥ devo'pi taṁ laṅghayituṁ na samarthaḥ|
tasmāt na śocanīyo na vismayo me yadasmadīyaṁ na hi tat pareṣām||

अयं श्लोकः ‘पञ्चतन्त्रम्’ इति ग्रन्थे वर्तते। अस्मभ्यं यत् विहितं तत् अस्माभिः लभ्यते एव। ललाटे यः विधिः लिखितः, तं विधिं परिणमितुम् अथवा रोद्धुं ब्रह्मादि देवाः अपि न शक्नुवन्ति । तस्मात् मया दुःखम् अथवा आश्चर्यं न अनुभूयते, यतः, यत् अस्माकं तत् कदापि अन्येषां न भवेत्।

Even the gods cannot obstruct the things that are destined to a Human. Hence, do not be worried or shocked. The things that are destined to us will never reach others.

Share